@@ مشكله هتجنني و مش لاقي اي حل .. اتمنى من اهل الخبره المساعده @@

مشكله هتجنني و مش لاقي اي حلول .. جربت كل حاجه و برده مفيش جديد ..

المشكله ان لسه شاري جهاز دريم بوكس 500 العادي .. و كان عليه صوره جيمني قديمه .. و كانت فيها مشاكل ..

رحت محدث الصوره و ركبت جيمني 4.7 ..و اشتغل الجهاز و فتحت القنوات المشفره .. ( انا مشترك في سيرفر نيوكامد بيفتح كل النايل سات )

بس المشكله ان لقيت بعض القنوات مش شغاله .. تختار قناة براعم مثلا تلاقي الجهاز هنج و مفيش حاجه جت .. و بعض القنوات المشفره مكنتش بتشتغل ..

غيرت الصوره و ركبت صوره جيمني 4 و المشكله اتحلت و كل حاجه شغاله كويس و القنوات المشفره شغاله .. معادا قنوات osn 1 و osn 2 و osn 3 .. اطفي الجهاز و اشغله الاقي osn 2 اشتغلت و الاتنين التانيين لا و يبقا مكتوب ( can't decode ) .. اطفي الجهاز و اشغل تاني الاقي osn 1 و osn 2 شغالين و osn 3 لا و يبقا مكتوب ( can't decode ) .. اطفي الجهاز و اشغل تاني الاقي الكل اشتغل .. اطفي و اشغل الاقي كله رجع خرب تاني ..

جربت صور كتير جدا بكل انواعها ( نيمسيس - pli - sattv - Nabilo ) و برده نفس المشكله في قنوات الـ osn ..

علما بان انا عندي جهاز هيوماكس 5400z و شغال فيه بنفس السيرفر و كله شغال كويس و قنوات الـ osn شغاله تمام عليه بدون اي مشكله .. و كمان عندي قمر احد بس نايل سات ..

يعني المشكله مش مشكله سيرفر .. و انا يا اما بشغل الدريم بوكس او الهيوماكس .. مش بشغل الاتنين في نفس الوقت ..

يريت حد يساعدني لاني خلاص هجنن و مش عارف المشكله فين ..

يريت لو في حل حد يقوله او تقلولي خطوات امشي عليها واحده واحده ..

و اسف على الازعاج ..