( أحبك موت )

[فيوبلاص]

أحبـك - قلتهـا بقلبـي .. وباحساسـي وبلسانـي
كثير قلـوب ترجيهـا .. ولكـن لا يهمّونـك
أحبك ما أبي غيرك .. ولـو غيـرك ترجّانـي
أنا شاريك ما بيعـك إذا غيـري يسومونـك
أموت اشتاق لك كلي .. أبيـك تـزور أعيانـي
خفوقي يا غلا ينزف وله واشواق مـن دونـك
أطير من الفرح لا من لفـى صوتـك وحيّانـي
أحس اني أهم الناس لا من قلتي : شلونـك
ألوم النفس لا قلتي : بكيت ومـا أحـد جانـي
أنا وش عاد يضحكنـي اذا العالـم يبكّونـك
إلى منّك تضايقتي .. أنا المسـؤول والجانـي =
أنا المفروض ما أرضـى أخلّيهـم يزعلونـك

أحبك زود عن روحي عن اعمامي عن اخواني
وباقي الناس يا عمري .. تـرى والله يفدونـك
عليم الله لا قلتي : ( أحبك ) .. زالت احزانـي
واذا قلتي : ( أحبك موت ) صحت وقلت : مجنونك
غدير الحب في قلبك .. حنان ولهفـة اروانـي
أذوب بهمسة ٍ عذرا .. وأثبت إني مفتونك
أنا في دنيتي تايه .. ولا ادري ويـن عنوانـي
ويوم اني عرفتك صار عنواني هو : عيونك
أغار من امك وعمك .. وهذا وذاك .. والثاني
أغار من اصغر اخواتك ولا ودّي يشوفونك
منى عيني أضمّك لي وامســّــح ذيـك الاوجانـي
ألاعب خصلة ٍ يمنى ويسرى تعتلي متونك
عيوني لو طلبتيها .. لقيت الكـل .. هنّانـي
ترى روحي مع عيوني مناهم بس .. يرضونك
مما راق لي

dr14:

dr9:

[monuser]

" ~ من جمالك أجهلك ~ "
أشلون أوصفك وانت مالك في البشر معيار
و اشلون اشبهك بشي و انتي ما شي مثلك
كيف أوصفك دام الجمال فيكي إنهار
الأنوثه فيك.. الحلا منك .. و الدلع أولك
ما عندي شجاعه أكتب فيك و مالي أعذار
بس أخاف يزل القلم وما أعطيك حقك
يا شبيهة الشمس تشرق في وجهك أنوار
سرقتي ضوء النجوم و القمر بعدك هلك
مات فيكي الدلع و الجمال منك غار
الحسن بك تباهى و الحلا منكي إرتبك
يا مقل من ذهب .. يا عيون من نار
يا كحيلة العين سبحان من كحلك
حاجبك كنه سيف في يد فارس مغوار
جفونك هي الغمد و رمشك خنجرك
و الشعر االاسود على كتفتك نايم منهار
تلعب به الريح و الكره في ملعبك
يتلألأ كنه نجم في ليل الدجى أسحار
يعكس نور القمر على خدك ووجنتك
من دعست رجلك تسرقين من كل أنظار
سبحان من ميز بين البشر ضلتك
إذا خيالك بين الناس عدى يوم و سار
خروا وانت مو إله و بايعوك وما انت بملك
في سكوتك العزه .. الشموخ .. والوقار
رسمتي أحلى نايفات الأدب في صمتك
ضحكتك نغمه .. و معزوفه بلا اوتار
دقة عود .. و عزفة ناي في صوتك
الشفايف لؤلؤ أحمر والشهد منها مدرار
مو بعيده أنك عسل او العسل من شفتك
و الانف لا عطس يقذف العطر طيار
ريح الهيل في انفاسك والهوى مسكك
بنت الناس الأجاويد في العلا أخيار
العز أصلك و الشرف هو منبتك
مجنون من تحداك حرام لعب القمار
و مرفوع عنه القلم من قال إنه يشبهك
بس ما حد معصوم من الخطأ و الإله غفار
يغفر لكل من قارن حلته نفسه بحلتك
يوم إنخلقتي طين .. في قالب فخار
نص الجمال صبته الملايكه في جرتك
الشين فيك معدوم .. و الحسن ظهار
و عذب الوصايف خاتم في إصبعك
الورود تناجيك و الواحات صارت قفار
و زهر الكون ما يشبه زهرة في مبسمك
البنات عشب أخضر و إنتي بينهم ازهار
ورد القرنفل وجنتك .. و الروز هو خدك
والفراشات الجميلات يطفن حولك في مدار
يستقون من رحيقك .. و يشتمون عطرك
وإذا جينا للقوام ااه يا نخيل بين الأشجار
ااه يا ورد تفتح .. ااه يا حلى مشمشك
ما انتي متينه ابد .. والله مو مسمار
جسمك غريب و نادر في الناس نوعك
البطن مشدوده كنها في يدك سوار
رشيقه لين بانت في حناياها ضلوعك
و السره حفره مدوره في خصر دوار
سبحان من برد جوانيبك و خصورك
و الصدر متوازن ذاك يمين و ذا يسار
كنهم كواكب حسن في مجرات كونك
و الساق ما تنوصف .. هل اشبهها بسيجار
أخاف يزعل يقول بخست الساق في سوقك
وبين فخذك و القدم آآه يا طول الأسفار
آآه منك يا طريق السفر وش قد طولك
و طرقعة كعب وقعها في الناس جبار
كل البشر محبينك و كل الناس طوعك
قبل لا تنزلي في الناس عطي جرس وإنذار
ينشرون الورد ترحاب ويصطفون بصفوفك
الملايكه تمشي حولك مؤيدين لك و انصار
و الخطى يحميها ربك دايما كنه معاك
كلك على بعضك حلوصفوك ما يعكره غبار
كل شي فيك زين حتى كذبك و خطاك
ما تحتاج شهادة زور من محرف زوار
مادام أجمل ورده تاخذ نداها من نداك
إرفعي الراس فشموخ البنات جنبك صغار
ويكفيك ان الحلا مأخوذ من واحة حلاك
بنت من دنيا الجمال أحلى هدية و تذكار
الدنيا مالها طعم و ما تسوى شي بدونك
السما و غيومها تستقي منك الأمطار
و الأرض تاخذ من جمالك و لونك
أحلى كريستال الكون في أذنك اكسسوار
والبلور تفجر في هنى دنيا جنونك
الحجر الكريم عينك و الذهب عليكي شعار
الماس عنقك و الزبرجد متونك
بودي أعرف خلقك إنتي كيف صار
كنك حضارة إبداع محمية حصونك
كنك تحفة تفنن في نحتها نجار
الغنج زايد فيك و الدلع من فنونك
انت وبس ما ينكتب في غيرك اشعار
كذا البنات و لا فلا يالكحيلة جفونك
إذا انتهى بحر الغزل فيكي يتبعه بحار
الخافق يكتب لك و يتغزل في مزونك
والله مو خساره تضيع فيك أعمار
كذاب أنا لا قلت إني شاعر بدونك
مليت من البعاد و و لك شوقي نار
واضح بدون الوان مشتاق لحضورك
وفي الختام
كل بيت من بيوت شعري باقات و أزهار
و اسيبك في أمان الله عساه دايم يصونك

24607

dr17: