ksahelp
15-03-2003, 06:30 AM
بسم اللله الرحمن الرحيم
اول شيء المقدمه
اذا مالك خلق لا تقراه
مهيب مهمه مره ( الله من زين الاسلوب)
--------------------------------------------------------------------------------
مقدمة
زي اغلب الشباب السعودي
تعلمت على الكمبيوتر عام 99 عشان ندخل النت
طقيت لي كمبيوتر وشبكت النت وبديت احوس واتفرج
جاني واحد من الشباب اللى كنت احسبهم فاهمين
قال ترا اخطر شيء الهكرز وقعد يقولني كيف انهم ممكن يتكّون بجهازك
ويبدون يتجسسون عليك
عاد انا قلت كلش الا التجسس
واروح للبيت معي لسته من خوينا
وانزل الكلينر وابدا انظف اول باول وكل 3 ايام القالي تروجان بجهازي
في ملفات برامج الهاكينق
همن اقول كفو يالكلينر.
وانزل برنامج فايروول نسيت اسمه بس اخبر كان الفيرجن 5
ويبدا هالبرنامج يقفط الهكرز
وانا قايلن
ويقولك ترا الايبي هذا حاول يدخل
تبي نسوي له تريس؟ نلحقه يعني
وانا اتحمس واقوله ايـــــــــــــــه حـــدّ الرجال
بعد فتره سمعت عن الفايروسات اللي ممكن تحوس النظام
وانا اللي انزل نورتن ومكافي سوا
وكل ماجيت انزل ملف صور بنات ( الله يهدينا اول ما عرفنا النت )
يقولي نورتن
وبدا النورتن انواع التقفيط وانا اقول وش اسوا بلياك يبو نظاره
عقب 4 شهور من الخبره
صار جهازي تقل موقع داونلود برامج حمايه
وانا كل ما احد قالي هاه وشلون النت
قلت اتحدى احد يدخل جهازي
طبعا انا كل اسبوعين اروح للهندي افرمت لاني سويت شيء غلطpb07
عاد اجي هنا لبيت القصيد تهاوشت انا وواحد امريكي في قناه هكرز في
mirc ( رايح بزعمي اني بتعلم لانه ما بقى الا الهاكينق ما اعررفله)
ويجيك الشين ويسوي لجهازي ريستارت وعيوني طايره
وانا اللي تقفل معي واشيل النورتن والزون الارم وكل شيء واقول خل اللي يبي يدخل يدخل
وخل يجين فيروسات
عاد تعلمت وشلون افرمت
خصصت يومين بالاسبوع للفرمته
غير الحالات الطارررئه
مليت من الموضوع وبديت اقرا شوي هون وشوي هونيك
الين توصلت الى اقوى نظام حمايه
--------------------------------------------------------------------------------
انتهت المقدمه يا ( مطولك)
البرنامج
البرنامج اعداداته واجد وياخذ وقت لين يصير ممتاز بس لازم تصبر
1- فرمت كميوترك وحط فيه وندوز واوفيس من السيديات
2- بعد كذا وقّف السيديات ورح النت وابدا نزل البرامج اللي تحتاجه
---لا تنزل اي برنامج الا من موقع كبير وموثوق فيه
---حاول قدر الامكان تنزل البرنامج من نفس الشركه اللي منتجته
---البرامج امهات نص لا تنزلهن مثل برنامج يوريك من اللي مسويلك بلوك
----والا برنامج يطلعلك منهو راعي هالايبي واي برنامج شغلته تعديل
----برامج بصفه غير قانونيه لا تنزله
3-الايميلات:
طبعا المشكله الكبرى تجي من الاتاشمنتس
الحل بسيط لا تفتح اي اتاشمنت ما تدري وشي
يعني بالعربي اذا مهيب ملف صوت والا ملف وورد او باور بوينت او الاشياء المعروفه لا تنزلها, zip exe rar
كل ذولي لا تنزلهن حتى لو هن من خويك
الا اذا خويك ذا ما عليه ويفهم شوي كمبيوتر
لانه 99% من الفايروسات والتروجان تنتشر من دون علم المرسل ولا المستقبل انه الفايل هذا فيه مشكله
اما الناس اللي ماتعرفهم لا تفتح منهم ايميلات خير شر ( متى المعرفه اصلا) , فيه هنا شيء ودي اضيفه ماله دخل عشان كذا صار
--------------------------------------------------------------------------------
مداخلة
اليوم بنعلمكم كيف تفتكون من غثاء الايميلات الداجه والدعايات
وامتلاء الايميل في الهوتميل
رح الايميل حقك
options
junk mail filter
الخيار الثالث
Exclusive
هذا ما يستقبل ايميلات الا من الناس اللي بلستتك
الباقين يجدعهم junk mail
بعدين تحت رح واختر الخيار الثاني
Deliver to Junk Mail folder and delete later
هذا بيخلي الايميلات في junk
الين يمتلي ويبدا يمسح توماتيك والا لين تمسحهن انت
طبعا انت ابدا شيك عليهم وشف مين اللي تبي ايميلاتهم وسولهم اضافه
options
safe list
اكتب الايميل وحط
add
عقب فتره تصير ضبطت اللسته
رح
options
junk mail filter
واختر
Delete junk mail immediately
الشيء هذا بيريحك من كثير من القلق مع الهوتميل بس تذكر
انك تضيف الاشخاص الى اللسته لما تعطيهم ايميلك
انا مجرب النظام هذا وماشي معي زي الحلاوه
له ابو سنه
طبعا هذا ايميلك الرئيسي اذا انت راعي منتديات وتبي تحط ايميلك للناس
افتحلك ايميل للجمهور وخله يستقبل كل من هب ودب
انتهت المداخله ( انا حتى نسيت وين وصلنا)
--------------------------------------------------------------------------------
4- الفايلات اللي تستقبله بالمسنجر
اول شيء اول ما تشوف احد ارسلك شيء
اسئله انت مرسلي شيء؟
لأنه فيه برامج ترسل فيروسات بدون علم الشخص
اذا صار مرسلك شيك وشو اذا هو exe
لا تستقبل
اشتر راحه بالك حتى لو قالك انه كرت رهيب
5- التروجاانز وشلون تجيك
خل نقول اغلب التروجانز تجي عن طريق برامج الهاكينق نفسه
الطريقه الثانيه انه واحد يرسلك اياه وتصير انت دلخ وتستقبل
الثالثه انه تنزل برنامج بس اللي حطه بهالموقع زاد عليه تروجان قبل
ما يحطه
طبعا اغلب هالناس تلقاه يقولك برنامج يسوي كذا وكذا بالمسنجر
والا سكربت خطير mirc
وهو ما سواه عشان راحتك
6-الوندوز : سو له ابديت دايم
وخصوصا الاكسبلورر
يعني الحين حنا غطينا كل الاشياء اللي ممكن تدخل عندك
برامج وفايلات وايميلات
باقي السي ديات والفلوبيات
لا تاخذ من احد فلوبي وتقعد تحطه بجهازك ما تدري وشبه
نفس الكلام السيديات
نجي نشوف الحين
اذا بنسوي كذا ما نحتاج لا نورتن ولا غيره
ولا تروجان كلينر
لانه ما فيه شيء بيجينا حنا ما ندري وشو
--------------------------------------------------------------------------------
نقاط مهمه
اذا عندك اشياء فعلا تخاف عليه تضيع
يعني مثل برامج جيده والا لسته مفضله والا مواضيع اقلاعيه
سولها حفظ على سيدي اذا عندك رايتر والا اشتر تراهن رخيصات
اذا عندك اشياء تخاف تنتشر
مثلا حاجات خاصه صور , افلام اي شيء من هالقبيل
لا تحطهن على جهازك لانه مافيه شيء مضمون
اذا انت موسوس ( ياكثرهم)
حط لك انتي فيروس وشيك على كل شيء تنزله
خاتمه
انا مجرب الطريقه هذي
لي سنتين ما استخدمت اي حمايه
الا كل 4 شهور انزل لي برنامج اسوي سكان
والا سكان اون لاين
والحمدللله
لا قد ضربني فيروس
ولا انسرق لي شيء
ولا لقيت احد فاتح لي ملف وورد وكاتب لي يمسيييييك بالخير
قطفه موضوع
[COLOR=crimson]شباب لاحد يقولي هالاشياء ما تكفي
اكيد ما تكفي ولا فيه شيء يكفي
بس المعقول ان جهازك الشخصي ماهوب سيرفر ولا يحتاج كل هذا
يعني لو تستخدم كل البرامج حقت الحمايه وانت ما تفكر وش قاعد تسوي مالهن سنع
الموضوع هذا موب لاصحاب الخبره
الموضوع للي تعب من الابديت للنورتن
وبطئ الجهاز من النورتن او المكافي والزون الارم:cool: :cool: :cool: :cry:
اول شيء المقدمه
اذا مالك خلق لا تقراه
مهيب مهمه مره ( الله من زين الاسلوب)
--------------------------------------------------------------------------------
مقدمة
زي اغلب الشباب السعودي
تعلمت على الكمبيوتر عام 99 عشان ندخل النت
طقيت لي كمبيوتر وشبكت النت وبديت احوس واتفرج
جاني واحد من الشباب اللى كنت احسبهم فاهمين
قال ترا اخطر شيء الهكرز وقعد يقولني كيف انهم ممكن يتكّون بجهازك
ويبدون يتجسسون عليك
عاد انا قلت كلش الا التجسس
واروح للبيت معي لسته من خوينا
وانزل الكلينر وابدا انظف اول باول وكل 3 ايام القالي تروجان بجهازي
في ملفات برامج الهاكينق
همن اقول كفو يالكلينر.
وانزل برنامج فايروول نسيت اسمه بس اخبر كان الفيرجن 5
ويبدا هالبرنامج يقفط الهكرز
وانا قايلن
ويقولك ترا الايبي هذا حاول يدخل
تبي نسوي له تريس؟ نلحقه يعني
وانا اتحمس واقوله ايـــــــــــــــه حـــدّ الرجال
بعد فتره سمعت عن الفايروسات اللي ممكن تحوس النظام
وانا اللي انزل نورتن ومكافي سوا
وكل ماجيت انزل ملف صور بنات ( الله يهدينا اول ما عرفنا النت )
يقولي نورتن
وبدا النورتن انواع التقفيط وانا اقول وش اسوا بلياك يبو نظاره
عقب 4 شهور من الخبره
صار جهازي تقل موقع داونلود برامج حمايه
وانا كل ما احد قالي هاه وشلون النت
قلت اتحدى احد يدخل جهازي
طبعا انا كل اسبوعين اروح للهندي افرمت لاني سويت شيء غلطpb07
عاد اجي هنا لبيت القصيد تهاوشت انا وواحد امريكي في قناه هكرز في
mirc ( رايح بزعمي اني بتعلم لانه ما بقى الا الهاكينق ما اعررفله)
ويجيك الشين ويسوي لجهازي ريستارت وعيوني طايره
وانا اللي تقفل معي واشيل النورتن والزون الارم وكل شيء واقول خل اللي يبي يدخل يدخل
وخل يجين فيروسات
عاد تعلمت وشلون افرمت
خصصت يومين بالاسبوع للفرمته
غير الحالات الطارررئه
مليت من الموضوع وبديت اقرا شوي هون وشوي هونيك
الين توصلت الى اقوى نظام حمايه
--------------------------------------------------------------------------------
انتهت المقدمه يا ( مطولك)
البرنامج
البرنامج اعداداته واجد وياخذ وقت لين يصير ممتاز بس لازم تصبر
1- فرمت كميوترك وحط فيه وندوز واوفيس من السيديات
2- بعد كذا وقّف السيديات ورح النت وابدا نزل البرامج اللي تحتاجه
---لا تنزل اي برنامج الا من موقع كبير وموثوق فيه
---حاول قدر الامكان تنزل البرنامج من نفس الشركه اللي منتجته
---البرامج امهات نص لا تنزلهن مثل برنامج يوريك من اللي مسويلك بلوك
----والا برنامج يطلعلك منهو راعي هالايبي واي برنامج شغلته تعديل
----برامج بصفه غير قانونيه لا تنزله
3-الايميلات:
طبعا المشكله الكبرى تجي من الاتاشمنتس
الحل بسيط لا تفتح اي اتاشمنت ما تدري وشي
يعني بالعربي اذا مهيب ملف صوت والا ملف وورد او باور بوينت او الاشياء المعروفه لا تنزلها, zip exe rar
كل ذولي لا تنزلهن حتى لو هن من خويك
الا اذا خويك ذا ما عليه ويفهم شوي كمبيوتر
لانه 99% من الفايروسات والتروجان تنتشر من دون علم المرسل ولا المستقبل انه الفايل هذا فيه مشكله
اما الناس اللي ماتعرفهم لا تفتح منهم ايميلات خير شر ( متى المعرفه اصلا) , فيه هنا شيء ودي اضيفه ماله دخل عشان كذا صار
--------------------------------------------------------------------------------
مداخلة
اليوم بنعلمكم كيف تفتكون من غثاء الايميلات الداجه والدعايات
وامتلاء الايميل في الهوتميل
رح الايميل حقك
options
junk mail filter
الخيار الثالث
Exclusive
هذا ما يستقبل ايميلات الا من الناس اللي بلستتك
الباقين يجدعهم junk mail
بعدين تحت رح واختر الخيار الثاني
Deliver to Junk Mail folder and delete later
هذا بيخلي الايميلات في junk
الين يمتلي ويبدا يمسح توماتيك والا لين تمسحهن انت
طبعا انت ابدا شيك عليهم وشف مين اللي تبي ايميلاتهم وسولهم اضافه
options
safe list
اكتب الايميل وحط
add
عقب فتره تصير ضبطت اللسته
رح
options
junk mail filter
واختر
Delete junk mail immediately
الشيء هذا بيريحك من كثير من القلق مع الهوتميل بس تذكر
انك تضيف الاشخاص الى اللسته لما تعطيهم ايميلك
انا مجرب النظام هذا وماشي معي زي الحلاوه
له ابو سنه
طبعا هذا ايميلك الرئيسي اذا انت راعي منتديات وتبي تحط ايميلك للناس
افتحلك ايميل للجمهور وخله يستقبل كل من هب ودب
انتهت المداخله ( انا حتى نسيت وين وصلنا)
--------------------------------------------------------------------------------
4- الفايلات اللي تستقبله بالمسنجر
اول شيء اول ما تشوف احد ارسلك شيء
اسئله انت مرسلي شيء؟
لأنه فيه برامج ترسل فيروسات بدون علم الشخص
اذا صار مرسلك شيك وشو اذا هو exe
لا تستقبل
اشتر راحه بالك حتى لو قالك انه كرت رهيب
5- التروجاانز وشلون تجيك
خل نقول اغلب التروجانز تجي عن طريق برامج الهاكينق نفسه
الطريقه الثانيه انه واحد يرسلك اياه وتصير انت دلخ وتستقبل
الثالثه انه تنزل برنامج بس اللي حطه بهالموقع زاد عليه تروجان قبل
ما يحطه
طبعا اغلب هالناس تلقاه يقولك برنامج يسوي كذا وكذا بالمسنجر
والا سكربت خطير mirc
وهو ما سواه عشان راحتك
6-الوندوز : سو له ابديت دايم
وخصوصا الاكسبلورر
يعني الحين حنا غطينا كل الاشياء اللي ممكن تدخل عندك
برامج وفايلات وايميلات
باقي السي ديات والفلوبيات
لا تاخذ من احد فلوبي وتقعد تحطه بجهازك ما تدري وشبه
نفس الكلام السيديات
نجي نشوف الحين
اذا بنسوي كذا ما نحتاج لا نورتن ولا غيره
ولا تروجان كلينر
لانه ما فيه شيء بيجينا حنا ما ندري وشو
--------------------------------------------------------------------------------
نقاط مهمه
اذا عندك اشياء فعلا تخاف عليه تضيع
يعني مثل برامج جيده والا لسته مفضله والا مواضيع اقلاعيه
سولها حفظ على سيدي اذا عندك رايتر والا اشتر تراهن رخيصات
اذا عندك اشياء تخاف تنتشر
مثلا حاجات خاصه صور , افلام اي شيء من هالقبيل
لا تحطهن على جهازك لانه مافيه شيء مضمون
اذا انت موسوس ( ياكثرهم)
حط لك انتي فيروس وشيك على كل شيء تنزله
خاتمه
انا مجرب الطريقه هذي
لي سنتين ما استخدمت اي حمايه
الا كل 4 شهور انزل لي برنامج اسوي سكان
والا سكان اون لاين
والحمدللله
لا قد ضربني فيروس
ولا انسرق لي شيء
ولا لقيت احد فاتح لي ملف وورد وكاتب لي يمسيييييك بالخير
قطفه موضوع
[COLOR=crimson]شباب لاحد يقولي هالاشياء ما تكفي
اكيد ما تكفي ولا فيه شيء يكفي
بس المعقول ان جهازك الشخصي ماهوب سيرفر ولا يحتاج كل هذا
يعني لو تستخدم كل البرامج حقت الحمايه وانت ما تفكر وش قاعد تسوي مالهن سنع
الموضوع هذا موب لاصحاب الخبره
الموضوع للي تعب من الابديت للنورتن
وبطئ الجهاز من النورتن او المكافي والزون الارم:cool: :cool: :cool: :cry: